愛:設計

上星期, 17 歲青年發現其拍拖三星期的 15 歲「野蠻女友」（Anka）竟是男兒身, 提出分手, 反被毒打, 要報警求助因而揭發這件事。事後朋友間都有談論這單笑聞, 大家都很有興趣想了解當事人多一點、看真一點 (當事人是否真的令人分不出性別), 估不到便利找來了當事人訪問。

《一本便利》: 上星期五, 17 歲青年（林仔）發現其拍拖三星期的 15 歲張姓「野蠻女友」（Anka）竟是男兒身, 提出分手, 反被人毒打, 要報警求助。令男友一直蒙在鼓, 全因「女友」真的靚到絕, 各大報章稱讚「她」為翻版安雅之外, 連阿 Sa 也忍不住讚他靚，男記者面對面細看他後，卻發覺他的真人似足林志玲！阿Sa：「衫似我。」「嘩！真係睇唔出係男人，佢真係好靚！」阿Sa看過Anka玉照後，讚不絕口︰「我覺得佢衫方面有似我咁鍾意多款配搭，我好佩服佢勇氣，佢能夠堅持自己想做事，不過如果使用暴力就唔喇。」事發後翌日，《便利》找到「美少女」Anka，他真人輪廓分明又嬌嗲，氣質像極林志玲，不過身邊的朋友就認為他較似安雅。「我第一眼見到Anka，真係眼前一亮，個樣似足安雅，又靚、身材又好，上圍有33B，雙腿好修長、好滑，真係『索到爆』！」在維園巴西燒烤工作的舊同事阿雄坦言曾企圖追求他，但經朋友踢爆他是男性後，感到難以置信，因為他平時也入女廁，最後不敢追求。「人人都話我似安雅，其實我都唔知安雅個樣係點，妳有冇佢相呀？我覺得自己唔係幾似林志玲，不過有人話我似芝、Isabella（梁洛施）！但我最鍾意就係黃伊汶，覺得她跳舞好型、好靚。」Anka說話時不停撥弄頭髮，散發「少女味」，說話時亦很溫柔，但聲線比芝的鵝公喉還要低兩度，跟他漂亮的臉孔格格不入。五呎七吋高的他卻有無比自信：「之前有個朋友話要搵我做model，叫我拍平面廣告，但我驚被人呃，所以無接，其實我對娛樂圈一興趣都冇。」

食豐胸丸變Bcup

Anka不斷問記者：「出面傳鄭秀文有癌症，係咪真？我見過BoBo（陳文媛）真人，都唔係好高……妳睇我，兩邊眉尾都剃了一節，所以我日日都要畫眉！」Anka邊說邊與女記者步入女廁。單憑肉眼看，估計Anka的上圍有33B，記者好奇問他是否真材實料？他讓記者隔外套摸，親身感受後發覺其「胸部」真的似女人胸。Anka鬼馬地說：「有1cm厚胸塾托住！你唔知男仔食豐胸丸都有用，我之前有食過，在屈臣氏買，約二、三百蚊。食近兩年，真的有效，胸部由平坦升到依家的Bcup。如果唔係呀，被人撞到個bra好容易凹落去，好肉酸。「我依家係有罅（乳溝），有時唔帶bra出街都有睇頭，但就（乳房）分得較開。不過呢大半年停食，因為驚藥有荷爾蒙成分，會對我發育健康有影響，始終我未決定想做男人定女人。反正藥有效，將來有需要再食番都得。」

從未勃起過

近看他的下體，貼身熱褲完全沒隆起跡象。「因為我將那話兒捲在一旁，收得好埋。試過以前有個男朋友乘我飲醉酒時，摸我上面同下面，都無發覺呀！」Anka之前在「巴西燒烤」工作時認識了林仔：「起初我想激一個我好憎、但又好林仔waitress，所以就扮拍拖，經常餐廳內互叫老公老婆，一星期後，佢突然話不如真係試下一齊，我答好呀，就一齊。林仔都幾純品戇直！」Anka憶起上星期四凌晨時分：「我一個人悶悶就落樓下7-11買九江雙蒸，之後去對面的公園一個人飲。飲到悶悶醉醉，就打俾林仔，同他講分手，之後的事就沒有印象。我對他無什麼感覺，如果當日唔係搞到要報警，佢唔會知我係男仔。而家提起佢都，唔想再講喇。」Anka先後與兩名TB和五個男仔拍施，除了TB「男友」外，所有男友都不知他的真正身份，亦鮮有身體接觸，Anka坦言沒性慾，仍是「處女」：「極其量只係拖手，唔會攬及錫，因為我唔鍾意，亦都唔需要！我連夢遺、勃起、射精都未試過。」「如果個男仔多手多腳，我一定唔會客氣，用手肘鋤他，以前我的TB男友就被我打過。」他拿有關被指「野蠻女友」的報道笑說：「我唔介意被人話野蠻女友，但我介意被人知我係男仔，如果有人夠膽我面前話我『人妖』，我就會想打人。」習詠春和跆拳道黑帶的Anka，習慣為自己建立保護網，避免人家觸動他的要害：「我唔介意人家我面前講我，但唔鍾意人背後話我！」

掛住媽媽扮女人

Anka家境雖小康，但中三已輟學。他六歲時父母離異，他跟祖父母同住柴灣樂軒臺，祖父開設室內設計公司，父親是公司的設計師，後來再婚。初時Anka偶然會去見見媽媽，或收到她的信，但五年前，祖母阻止母子見面：「因為媽媽澳門開夜總會，覺得佢唔正經，唔俾我見她，及收起了她寄給我的信！」自此二人便失去聯絡。「我媽媽好靚，仲有親戚話我生得似媽媽！佢係泰國華僑，以前做model，重拍過武打電影，好靚、好有女人味。媽媽好錫我，小學時日日送我返學、放學，其實我好掛住媽媽……」原來思母情切，令他穿上女裝扮女人。「十一歲，有次掛住媽媽，屋企見到媽媽的OL黑色套裝，就上身。當時覺得好靚同好似我媽媽，好想扮她。」Anka當時已留有一把及腰秀髮，後來爸爸要剪他頭髮，即跑到窗前要生要死：「他試過趁我睡時，偷偷剪我的頭髮，翌日即與他大打出手。」家人雖反對他扮女人，但因Anka脾氣大，最後都隻眼開隻眼閉。記者直問Anka想不想變性做「真女人」，他顯得很迷惘：「之前學校安排我見過心理醫生，醫生話我只係鍾意到成個女仔，但就未必鍾意做真正女仔。其實我都唔知我想做男定女，我問過醫生有關變性手術資料，但做完就無得返轉頭，叫我諗清楚！」心理醫生陳仲謀指，Anka有易服傾向，可能覺得生錯男兒身，還有機會變回男性︰「他還年輕，對性別未完全認同，希望他獲得心理治療後能改變想法。」「有時我對住男友，會覺得沒有坦白向他講出自己真正身份，好似好對佢唔住，有點內疚感……但有時又唔知點解，會覺得好憎佢，就想一巴打埋去。」Anka說自己不是憎恨男性，但每當拍拖時，便會對男友無故發洩，自己也覺得厭煩，他就是這樣一直在愛與憎恨之間輪迴受苦。

香港變性要等兩年

醫管局發言人表示，02至04年間，全港只有三人接受過變性手術。在香港接受變性手術一定要夠十八歲，其次是向醫管局提出申請，通過精神科醫生、臨床心理學家、社工、整形外科醫生、遺傳學家和律師的詳細評估後，再接受為期約兩年的「現實生活測試」，認為適合變性才獲批准。在公立醫院進行變性手術，只需每日付住院費一百元。如到私家醫院做手術，費用約需十萬元，主要切除睾丸和陰莖，然後加入假陰道和隆胸手術，手術過程約六至八小時。變性最痛苦是手術後的康復過程，傷口及全身會產生劇痛，令人痛不欲生，之後要終生定時注射女性荷爾蒙。

source: sEEkstudio Xanga