February 25th, 2010
香港政府好念舊, 提起我們的e世代集體回憶
(明報)2010年2月25日 星期四 05:10
財爺「復古」派floppy 議員四出撲磁碟機
【明報專訊】每年財爺公佈預算案時，都會就議員早前交嘅提問作出書面回應，聽落好似好貼心，但衰在今年嘅回應就儲存喺隻磁碟（floppy）度，喺而家呢個數碼年代，要搵部電腦可以讀到磁碟，真係唔容易，結果就玩死唔少議員！湯家驊 ：係咪咁窮呀！
其中一個就係湯家驊，Ronny話佢屋企已經有3部電腦，但無一部電腦可以開到floppy，揸住隻碟都唔知點算好，激到佢大叫﹕「咁大個政府，起碼用光碟啦，政府係咪咁窮呀！」
除咗Ronny中招，民主黨 都無曬符，到噚日傍晚都仲未有黨員搵到電腦有磁碟機，認真搞笑。黃成智就話：「打曬鑼咁搵磁碟機，但到而家未搵到！未聽到有人開到！」佢話都估唔到政府咁老土，光碟都係一蚊一隻啫，可能政府想環保的啩！
政府：文件少 用光碟浪費
政府發言人就話，因為有關回應的文件數量唔多，如果用光碟會太過浪費，所以先選用floppy，如果有議員真係無方法開隻磁碟，先會複製隻光碟畀佢喎！Emily就覺得咁樣咪仲浪費資源，而且一隻floppy容量不過1.44Mb，既然個file咁細，點解唔索性email？！
我記得讀中學時, 老師要我們同學仔一人買一隻 floppy, 用作交功課, 那時候還未流行USB drive。已經很久沒有看見過 floppy disk, 電腦店都無 floppy drive 賣了! 現在閒閒地 USB drive 也有8gb以上, 實在很懷念以前用 1.44mb 的 floppy disk 來 share files 的苦日子!! 香港政府好念舊, 全提起我們的e世代集體回憶, 小弟強列建議政府官員大人, 下次可以使用 5.25″ 的大 floppy disk (90後出生的年青人, 請見下圖), 實在太令人懷念了!
我屋企部台機06年買.有磁碟喎.要唔要我幫佢地開呀..